ISLAMIC VIDEOS TUBE: کافر کو کافر کہنا حق ہے کافر کو کافر کہنا حق ہے - ISLAMIC VIDEOS TUBE
Latest News
Sunday, March 22, 2015

کافر کو کافر کہنا حق ہے

کافر کو کافر کہنا حق ہے
س… کچھ لوگ یہ کہتے ہیں کہ حضور اکرم صلی اللہ علیہ وسلم کی حدیث کی روشنی میں “کسی کافر کو بھی کافر نہیں کہنا چاہئے”، چنانچہ قادیانیوں کو کافر کہنا درست نہیں ہے۔ مزید یہ کہ اگر کوئی صرف زبان سے کلمہ پڑھ لے اور اپنے کو مسلمان ہونے کا اقرار کرے جبکہ حقیقت میں اس کا تعلق قادیانیت یا کسی اور عقیدے سے ہو تو کیا وہ شخص صرف زبانی کلمہ پڑھ لینے سے مسلمان کہلائے گا؟ ازراہ کرم مسئلہ ختم نبوت کی وضاحت تفصیل سے بتائیے۔
ج… یہ تو کوئی حدیث نہیں کہ کافر کو کافر نہ کہا جائے، قرآن کریم میں بار بار “ان الذین کفروا”، “الکافرون”، “لقد کفر الذین قالوا” کے الفاظ موجود ہیں۔ جو اس نظریہ کی تردید کے لئے کافی و شافی ہیں۔ اور یہ اصول بھی غلط ہے کہ جو شخص کلمہ پڑھ لے (خواہ مرزا غلام احمد قادیانی کو “محمد رسول اللہ” ہی مانتا ہو) اس کو بھی مسلمان ہی سمجھو، اس طرح یہ اصول بھی غلط ہے کہ جو شخص اپنے آپ کو مسلمان کہتا ہو خواہ خدا اور رسول کو گالیاں ہی بکتا ہو، اس کو بھی مسلمان ہی سمجھو۔
صحیح اصول یہ ہے کہ جو شخص حضرت محمد رسول اللہ صلی اللہ علیہ وسلم کے پورے دین کو مانتا ہو اور “ضروریاتِ دین” میں سے کسی بات کا انکار نہ کرتا ہو، نہ توڑ مروڑ کر ان کو غلط معانی پہناتا ہو وہ مسلمان ہے، کیونکہ “ضروریاتِ دین” میں سے کسی ایک کا انکار کرنا یا اس کے معنی و مفہوم کو بگاڑنا کفر ہے۔ قادیانیوں کے کفر و ارتداد اور زندقہ و الحاد کی تفصیلات اہل علم بہت سی کتابوں میں بیان کرچکے ہیں۔ جس شخص کو مزید اطمینان حاصل کرنا ہو وہ میرے رسالہ “قادیانی جنازہ”، “قادیانیوں کی طرف سے کلمہ طیبہ کی توہین” اور “قادیانیوں اور دوسرے غیرمسلموں میں کیا فرق ہے؟” ملاحظہ کرلیں۔ “دفتر ختم نبوت، مسجد باب الرحمت، پرانی نمائش محمد علی جناح روڈ، کراچی” سے یہ رسائل مل جائیں گے۔
 از آپ کے مسائل اور انکا حل جلد اول
  • Blogger Comments
  • Facebook Comments

0 comments:

Post a Comment

Item Reviewed: کافر کو کافر کہنا حق ہے Rating: 5 Reviewed By: Pakistan Media Today